Калык-влак келшымаш пӧртыштӧ Марий Элын Кугыжаныш погынжо да «Российыште илыше калык-влакын ассамблейышт» Депутатын кечыжым эртареныт. Тушко ушнышо-влак тачысе кечылан келшыше йодыш-влакым каҥашеныт: мемнан регионышто тӱвырам тӱрлӧ шӧрын гыч вияҥдымаш; калык-влак коклаште кылым пеҥгыдемдымаште мер да туныктымо организаций-влакын рольышт. Тыгак самырык-влак коклаште этнокультур поянлыкым арален кодымо шотышто пайдале опыт.