Тиде гуманитар партийыште – Советский кундемынат надырже уло. Борщым, рассольникым, пурса шӱрым передовойыш колтеныт. Советский районышто илыше чолга команде СВО-ш колташ шылым да пакча-саскам шолтен да коштен, пакетлаш опта. Шӱр вартыш шокшо вӱд дене мӧҥгысӧ тамле кочкышыш савырна. А тиде передовойышто кызыт эн шерге. Кукшо шӱрым ыштыше тичмаш производство дене Советский посёлкышто Вера Горохова палыме лийын.