2026 ий - Российысе калык-влакын икоян улмо идалыкышт. Тиде ий дене кылдалтше ончер Козьмодемьянскысе Александр Григорьев лӱмеш художественно-исторический тоштерыште почылтын. Фондышто тӱрлӧ калыкын сӱретчыже-влакын радынашт аралалтеш. Сандене тоштер пашаеҥ-влак палемдыме идалыклан пӧлеклалтше ончерым погаш манын, фондым шерын лектыныт. Тений могай сӱретче-влак юбилейыштым палемдат, нунын пашаштым ойырен налын, ончерым чумыренна, - палемдат тоштерыште тыршыше-влак.