Уремысе площадкылаште модшо ялысе команде-влак коклаште хоккей дене «Шӧртньӧ шайбе» республикысе таҥасымаш эртен. Приз верч 2012-2013 ийлаште шочшо-влак кучедалыныт. Ий полатыште Марий Турек, Оршанке, Мочалище да Красногорский поселкыла гыч команде-влак таҥасеныт. Тӱжвалне модмо хоккей тазалыкым веле огыл койыш-шоктышымат пеҥгыдемда. Тренировко уремыште эрта. Ий кажне кечын тӱрлӧ: таче пеҥгыде, эрла шулаш тӱҥалын кертеш. Лум шайбым наҥгаяш чаракла. Садланак залыште тый хоккей дене модаш тунемыт, а уремыште – сеҥаш. Тиде шонымаш дене Красногорский поселко гыч хоккеист Максим Чулков келша.