Юрий Зайцев СВО ветеран-влак ассоциацийын тӱшка погынымашкыже ушнен. Вашлиймаш Калык-влак келшымаш пӧртыштӧ эртен. Марий Эл Вуйлатыше палемден: СВО-н участникше, ветеранже-влаклан полыш – Виктерын тӱҥ задачыже-влак кокла гыч иктыже. Тидлан мемнан кундемыште кугу тӱткыш ойыралтеш. Юрий Зайцев СВО ветеран-влак ассоциацийын еҥже Валентина Тимофеевалан «Участнику специальной военной операции» лӱман медальым кучыктен. Валентина Васильевна Россий Обороно министерстве дене контрактым 2024 ий августышто пеҥгыдемден. Службым Луганск Калык Республикыште, медицине ротышто эртен.