Курыкмарий районын тений юбилей. 1921-ше ий 15 январь – тудын официальный шочмо кечыже. Идалык тӱҥалтыштак Курыкмарий кундемын 105 ийым темымыжлан пӧлеклалтше вашлиймаш, ончер-влак эртаралтыныт. Мемнан съёмочный группына Никон Игнатьев лӱмеш краеведений тоштерыште да Курыкмарий районысо архив пӧлкаште лийын, нунын фондыштышт аралалтше экспонат да документлам шымлен.