Шкем тӱрлӧ чер деч аралаш прививке полша. Прививкым шындаш але уке – тиде кажне еҥын шке праваже. Туге гынат, медицине пашаеҥ-шамыч профилактике прививкым шындаш темлат. Калыкын тазалыкшым арален кодаш, тудын ӱмыржым кужемдаш, колымашым шагалемдаш – тиде кугыжаныш социальный политикын тӱҥ задачыже-влак. Шернур округын Чылдемыр ялысе врачебный амбулаторийыште прививкым шындыме кампаний идалык мучко шуйна. Тиде участкыште ик тӱжемат 185 еҥ шотлалтеш, тышечын 18 ияш марте 256 йоча.