Юл кундемысе федерал округын Интеллектуал Олимпиадыжын регионысо этапше эртен. Таҥасымаш-влак 4 виктыш дене лийыныт. Регионысо этап «Мо? Кушто? Кунам?» модмаш дене тӱҥалын. Вара «Робототехнике» ден «Решение инженерных задач» направлений-влак лийыныт. Пытартышлан эше кок компетенций дене шке шинчымашыштым, моштымашыштым 40 наре еҥ ончыктен. Тиде пилотдымо чоҥештылше аппарат-влакым виктарымаш да нуным программироватлен моштымаш. Тунемше-влакын наставникышт палемдат: йоча-влаклан пилотдымо чоҥештылше аппарат-влак дене пашам ышташ келша.