«Российын ечыгорныжо» спорт таҥасымашыш ушнаш ӱжыт. Тений тудо ечызе-влакым 14 февральыште чумыра. Таҥасымаш Медведево район «Корта» ече базыште 44 гана эрта. Стартым 10 шагатлан пуат, а регистраций 8 шагат гыч тӱҥалеш. «Российын ечыгорныжо» спорт таҥасымашке 12 февраль марте Госуслуги портал гоч онлайн, 11 гыч 13 февраль марте «Арена Марий Эл» манежыште очно возалташ лиеш. Тылеч ончыч врач дечын тазалыкым пеҥгыдемдыше справкым налман.