12 февральыште Кужэҥер район Йывансола тӱвыра пӧртыштӧ «Коҥга пазар» лиеш. Поро йӱлашке пурышо пайрем тений уэш уна, фольклор коллектив-влакым да верысе калыкым иквереш пога. Толшо-влакым могай программе вуча? Пайремыш кӧмыт ушнат? Тидын нерген Кужэҥер район Йывансола тӱвыра пӧртым вуйлатыше Татьяна Поликарпова дене мутланена. Тудо кызыт мемнан дене кылыште.