Хирургын пурла кидышт. 15 февральыште – операций медшӱжар-влакын тӱнямбал кечышт. Ты кечым официально 2009-ше ий гыч Европысо операций медшӱжар Ассоциацийын пунчалже почеш палемдат. Таче республикын чыла гаяк эмлымверыштыже операцийым эртарат. Профессионал пайрем вашеш мемнан коллегына-влак Вера Горохова да Николай Азиков онкологий диспансерыш миеныт. Тушто ик идалык жапыште 2 тӱжем утла плановый операцийым эртарат. Медшӱжар-влакын пашашт нерген вес сюжет.