«Идалыкын воспитательже» чаплӱм верч таҥасат. Йошкар-Олаште «Идалыкын воспитательже – 2026» конкурсын оласе тапырже тӱҥалын. Тудым 80-ше номеран «Ӱжара» йочасадыште пайремлын почыныт. Тений «Идалыкын воспитательже» чаплӱм верч 6 педагог таҥаса. Нунын коклаште – Йошкар-Оласе «Облачко», «Звёздочка», «Изюминка», «Жемчужинка», «Кораблик» йочасад-влакын да «Росток» рӱдерын воспитательышт.