Шочмо йылмылан пӧлеклалтше фестиваль. 21-ше февральыште тӱнямбалне шочмо йылмын кечыжым палемдат. Тудым посна пайрем семын 1999 ийыште ЮНЕСКО-н конференцийыштыже палемдаш пеҥгыдемденыт. Таче ты кече вашеш республикын тӱрлӧ туныктымо да тӱвыра тӧнежлаште Шочмо йылме фестиваль-влак эртат. Тиде кечылаште Республикысе Марий тӱвыра рӱдер Звенигово районысо Чакмарий кыдалаш школышто «Шочмо йылме – калыкын поянлыкше» фестивальым эртарен.