Эн чолга-влаклан – Олык Ипай лӱмеш кугыжаныш премий. Марий Эл Республикын Виктерыштыже регион вуйлатыше пелен самырык-влаклан Олык Ипай лӱмеш Кугыжаныш премий-влакым пуымо шотышто Комиссийын заседанийже лийын. Тудым Виктер Председательын алмаштышыже - тӱвыра, печать да калык-влакын пашашт шотышто министр Константин Иванов вуйлатен. 2026-шо ийын икымше погынымаштыже премийым пуымо шотышто организационный мероприятий-влак планым пеҥгыдемдыме, премийым налаш кумылан-влак деч документ ден материал-влакым налаш тӱҥалме шотышто увер кампанийым увертарыме.