Йошкар-Олаште студент отряд-влакын черетан паша тургымлан стартым пуымо. Пайремыште кажныже шкенжын могай кӱкшытышко шумыж нерген каласкалыше кумдык-влакым ямдылен. Студотряд-влакын пашашт дене Марий Эл Вуйлатыше Юрий Зайцев палыме лийын. Нуным кӱкшын аклен. Эн чолга-влаклан «За активную работу в студенческих отрядах» Почётан знак-влакым кучыктен. Российыште икымше студотряд-влак 67 ий ончыч шочыныт. Марий Элыште – 60 ий ончыч. Тунам студент-влак тӱрлӧ объектым чоҥымаште тыршеныт. Кызытат самырык-влак тыгаяк пашам вӱдат. Россий кӱртньыгорнышто, каныме лагерьлаште пашам ыштат.Чоҥышо, воспитатель семын да моло профессийыштат тыршат.