Ялозанлыклан самырык специалист-влакым ямдылат. Марий Турек посёлкысо «Ялозанлык механизаций техникум» у мастерской ден кугешнен кертеш. Тудым «Профессионалитет» федерал проект почеш уэмденыт. Таче ты техникумышто 300 утла студент шинчымашым пога. У мастерскойышто тунемме процессым ончалаш Вера Горохова да Николай Азиков Марий Турек посёлкыш миен коштыныт.