Икымше сентябрь гыч Российысе тунемше-влакын школ программышкышт у дисциплине – «Духовно-нравственная культура России» - предмет пурталтеш. Эн ондак тудым 5-ше классыште тунемше-влак шымлаш тӱҥалыт. Идалыкыште у предметлан 17 шагат ойыралтеш. 2027-2028 тунемме ийыште ты предметым 6-шо да 7-ше класс-влакын тунемме программышкышт пуртат. Ончыкыжым ты дисциплинылан 34 шагат ойыралташ тӱҥалеш. Тиде вашталтыш икмыняр этап дене илышыш шыҥдаралтеш.