Йошкар-Оласе погынын черетан 22-шо сессийже эртен. Каҥашымашке чылаже 13 йодышым луктыныт, 3 отчет лийын. 2025 ийыште муниципал погым приватизироватлыме йодышым иктешленыт да 2026-2028 ийлан приватизаций планыш вашталтышым пурташ палемденыт. Тыгак Йошкар-Олан Чавайн бульварыштыже «Строителям Республики Марий Эл посвящается» у памятникым вераҥдыме йодышым тарватеныт. Погынышто мер ушемын составшым пеҥгыдемденыт. Тушко 20 еҥ пурышаш.