Марий Эл Вуйлатыше пелен добровольчествым вияҥдыме шотышто Советын заседанийже лийын. Каҥашымашым Марий Эл Виктер Председательын алмаштышыже – тӱвыра, печать да калык-влакын пашашт шотышто министр Константин Иванов вуйлатен. Советын еҥже-влак Марий Элыште поро пашашке шке кумылын ушнышо-влаклан полшымо йӧн шотышто мутланеныт. Тыгак муниципалитетлаште «Добро.Центр» рӱдер-влакын пашаштым иктешленыт да #МЫВМЕСТЕ тӱнямбал премийын регионысо этапышкыже йодмашым погымо кампанийым увертареныт.