Килемар округысо Арде профессионал техникумышто у мастерской-влак пашам ыштат. Нуным ӱмаште телымак чоҥаш тӱҥалыныт, пашам шыжым мучашленыт. Тыгай мастерской-влак техникумышто лийышт манын, «Профессионалитет» федерал проект да Марий Эл Правительство полшен. Тачысе кечылан студент-влак практикым у кумдыкышто эртат. Мемнан съёмочный группына нунын ик паша кечыштым ончен лектын.