Ургызо-влакым профессионал пайремышт дене саламлыман. 28 февральым тӱнямбалне портнойын кечыж семын палемдат. Ты кечын закройщик, портной, ургызо, дизайнер, тӱрлызӧ, икманаш, кӧ вургемым шочыкта, нуным саламлыман. Ты пайрем икымше швейный машинам ыштыме жапым палемдаш да модо индустрийым чапландараш ышталтын. Вургемым ургымо историйым ончалаш гын, тӱҥалтыш эше 12-шо курымыштак пышталтын. Таче Марий Элыште ургызо-влакым профессионал туныктымо тӧнежлаште, тыгак университетыште туныктат. Студент-влак дене кугу опытан специалист-влак пашам ыштат.