Икымше телымсе лудмаш фестивальым мучашленыт. «Книжная палитра народов» лӱман фестиваль тӱвыргӧ лектышан лийын. Тудо 19 январь гыч 26 февраль марте В. Колумб лӱмеш йоча ден самырык-влаклан книгагудышто эртен. Фестиваль Российысе калык-влакын икоян улмо идалыклан пӧлеклалтын. Ик тылзе жапыште тӱрлӧ акций, марафон, конкурс-влак эртеныт. Фестивальым иктешленыт. Тудо регоныштына тыгай книга фестивальым эртарымылан тӱҥалтышым пыштен. Шошым да шыжым калыкле книгагудышто, кеҥежым книга пайремым Чарла кремльыште эртараш палемденыт.