Росмолодёжьын конкурсыштыжо сеҥыше «Йочалан-марла» изи ньога-шамычлан проект дене пашам ӱмаште шошым тӱҥалыныт. Тиде кугу пашан вуйлатышыже - самырык ава, этнограф, Марий Эл Республикысе Т. Евсеев лӱмеш калыкле тоштерын пашаеҥже Надежда Васканова. Тудын дене пырля кугу команде пашам ыштен. Экспедицийлашке коштыныт. Фольклор материалым эрвел, олык ден курык марий-влакын тӱшкан илыме верлаштышт погеныт. Тений шошым проектым мучашлат.