Российысе марий-влакын федерал калыкле-тӱвыра автономийышт «Цифровая марийская культура» проектше дене грантым сеҥен. Марий йылмын цифровизацийжылан субсидийым Калык-влакын пашашт шотышто федерал агентстве ойырен. Проектын икымше этапыштыже пӱртӱслӧ огыл уш-акылым – искусственный интеллектым - марий калыкын ойыртемжылан, тудын орнаментшым, вургемжым, антропологийжым шотыш налын, туныкташ тӱҥалыт.