Тоштер – тиде историйым аралыше вер гына огыл. Тушто ончыкылык нерген каҥашат. Тимофей Евсеев лӱмеш тоштерыште 19-ше гана йӱлаш пурышо Евсеев лудмаш эртен. Тений тудо Российысе калык-влакын икоян улмо идалыклан пӧлеклалтын. Участник-влак тачысе кечын тоштер-влак ончылно шогышо проблемым рашемдаш йӧным кычалыныт. «Вектор развития» пленар заседанийыш тӱвыра политике да калык-влак кокласе кыл шотышто аланын экспертше-влак чумыргеныт. Тыгак конференцийыш тоштер паша шотышто специалист-влак, краевед, шанчыеҥ-влак ушненыт. Эн сай практике-влакым межмузейный да междисциплинарный инициативыш ушат.