Килемар округысо Арде кыдалаш школ Россий кӱшытыштӧ ойыртемалтын. Самырык туныктышо Анастасия Чевелеван проектше Росмолодёжьын «Управляя эмоциями: интерактивные воркшопы для школьников и родителей» Грант конкурсыштыжо сеҥыше радамыш лектын. Пашажым умбакыже вӱдашлан 300 тӱжем теҥге оксам пуэныт. Школышто самырык туныктышо кокымшо ий пашам ышта. Туныктымо сомыл деч посна тӱрлӧ проектлаште шкенжым терга.