Валентин Колумб лӱмеш йоча да самырык-влаклан республикысе книгагудо пеленсе «Колумб 12» мультстудийын самырык участникше-влак шке пашашт дене сеҥышыш лектыныт. Москвасе Агния Барто лӱмеш книгагудышто эртыше «Всем детям ровесница» йоча усталык конкурсышто нунын ямдылыме мультфильмышт 1-ше верым сеҥен. Тиде мультфильмын шочмыжо нерген студийын участникше-влак каласкаленыт. Темым Лира Матвеева шуя.