Уста дояр ден доярке-влак. Параньга посёлкышто Марий Эл гыч эн сай ушкал лӱштышӧ-влак погыненыт. Тушто машина дене ушкалым лӱштышӧ эн сай оператор-влаклан республикысе конкурсым иктешленыт. Куштылго огыл да кӱлешан пашаштлан сулен налме награде-влакым кучыктеныт. Эртыше ийысе лектышым ончен, Семёновский племзаводышто тыршыше Людмила Софронова эн сай доярке лийын. Ялозанлык предприятий-влак кокла гыч икымше верышке «Первый май» колхоз лектын. Эн сай фермер озанлыклан У Торъял гыч Дмитрий Новиковын озанлыкшым шотленыт.