Москошто «Сила традиций» Российысе икымше конкурсым иктешленыт. Тушто элнан 79 регионжо гыч 2500 участник лийын. Сеҥыше-влак коклаште – Йошкар-Ола гыч кидмастар Инна Артемьева. Тудо «Аксессуар ден сӧрастарыш-влак» номинацийыште кумшо верым сеҥен налын. Вӱдуа гыч тодыштмым изи улмыж годымак ужын да тиде пашалан тунемаш шонен пыштен. Но тӱрлӧ комдо да вес ӱзгар-влакым вӱдуа гычын огыл, а кагаз гыч ыштыме воштырым кучылтын ышта.