Лӱмлӧ серызым, кусарышым, туныктышым шарнен... Шернур округышто Ким Васинын арняже эртен. "Ким Васин - калык писатель" шкешотан акций поро йӱлаш пурен. Палемден кодем, писательын лӱмжым Шернурысо рӱдераҥдыме книгагудо системе нумалеш. Кызыт лӱмлӧ еҥлан пӧлеклалтше арнян пашаже да Шернур кундемысе рӱдӧ книгагудын сомылжо нерген Ким Васин лӱмеш Шернурысо рӱдераҥдыме книгагудо системын директоржо Ирина Кошкина дене мутланена.