А нине специалист-влак эре йодмашан улыт. Республикыштына профессионал-влак угыч мастарлыкыштым ончыктат. 6 апрельыште кундемыштына кӱкшӧ технологий чемпионатын регионысо этапше тӱҥалеш. Таҥасымаш «транспорт отрасльын вияҥмыже» виктыш дене Медведево посёлкысо Автодорожный техникумышто лиеш. Кызыт тушто ямдылалтме паша шолеш. Тидын нерген кумданрак корреспондент Вера Горохова каласкала.