30 гармонист да 3 ансамбль. Регион-влак кокла кӱкшытан «Изи гармоньчо» фестиваль-конкурс кумшо гана эртен. Ий гыч ийыш тудо кумдаҥеш. Палемдыман, икымше гана тудо фестиваль семын гына эртен. Тушко 18 гармоньчо да ныл ансамбль ушнен улмаш. Марий Эл дечын посна тений Пошкырт да Татарстан кундемла гычат изи гармоньчо-влак мастарлыкыштым ончыкташ толыныт. Нунын дене мемнан корреспондент Наталья Танакова вашлийын.