Йоча-влаклан марий кухньо фестиваль. Йошкар-Оласе 26-шо номеран «Теремок» йочасадыште икымше гана «Марий кухньо» фестиваль эртен. Тушко 13 йочасад гыч икшыве шке аваже але воспитательже дене пырля марий кочкышым ямдылен конден. Кажне йочасад марий калыкын ойыртемалтше сийжым жюрилан аклаш луктын. Нунын коклаште шӱрашан мелна, кугече когыльо, ӱяча, туара да моло тамле йӧрвара посна верым айленыт. Йочасадыште эртыше фестивальыш мемнан съемочный группына миен.