Регион вуйлатыше Юрий Зайцев Марий Элыште илыше-влаклан кугыжаныш суаптар-влакым кучыктен. Шочмо эл да тудын калыкше верч тыршыше-влакым Виктер пӧртыштӧ саламленыт. Суаптарым налше-влак кокла гыч журналист Александр Климов, чодыразе Виктор Воронков, ялозанлыкым вуйлатыше Светлана Клепикова да молат. Ты радамыште – Юлсер кундем гыч Тамара Яранцева. Тӱвырам да сымыктышым вияҥдымашке надырым пыштымыжлан Тамара Анатольевнам «Россий Федераций тӱвыран сулло пашаеҥже» чаплӱм дене палемденыт.