Михаил Мурашко уэш йолташыже-влакым чумырен. 26 гыч 29 март йотке Йошкар-Олаште 14-ше гана «Михаил Мурашко йолташыже-влакым ӱжеш» фестиваль-конкурс эртен. Тений тудо лӱмлӧ хореограф, марий калыкын сценический хореографийжылан негызым пыштыше Михаил Мурашкон 85 ияш лӱмгечыжлан пӧлеклалтын. Ик сценыште кумда Российын регионлаж гыч участник-влак погыненыт. Организатор-влак палемдат, ий гыч ийыш фестиваль-конкурсыш ушнышо-влакын чотышт да нунын ямдылалтме кӱкшытышт кушкын толеш.