«Воштылат гын, ӱмырет 5 минутлан кужемеш» - ойлат калыкыште. 1 апрельыште Воштылчык кече палемдалтеш. Ты кечын йӱлаж дене келшышын, йолташ але коллеге дене шкешотан розыгрышым ыштат. Тыге икте-весын кумыл нӧлталтеш. Тачысе кечын мыскарам ме шукыж годым сценыште тӱрлӧ спектакль, сценке гоч ужына. Пытартыш жапыште мыскараче-влак шкешт нерген интернет кумдыкыштат палдарат. Нуно блогер семын вияҥыт, марий шӱлышан мыскара контентым калык ончыко луктыт. Поснак Марий КВН-ыште модшо-влакым палемдыман.