Театр тӱняште вашталтыш. М. Шкетан лӱмеш Марий кугыжаныш драме театрын художественный вуйлатышыжлан Марий Элын калык артистше Роман Алексеевым, а тӱҥ режиссёржылан Россий искусствын сулло деятельже Олег Иркабаевым шогалтыме. Тидым Марий Эл Виктер Вуйлатышын алмаштышыже – тӱвыра, печать да калык-влакын пашашт шотышто министр Константин Иванов театрыште эртыше вашлиймаште пеҥгыдемден.