Санкт-Петербург кугыжаныш университетыште Вербицкая лӱмеш 54-ше Тӱнямбал научно-филологический конференций эртен. Тушко Карелий, Ханты-Мансийск, Мордовий, Моско, Санкт-Петербург гыч шымлызе-влак ушненыт. Марий Эл гыч ныл йылмызе доклад дене лектын. Конференцийыште «Уралистике» секций, йыргешке ӱстел пашам ыштеныт. Секций-влак Российысе финн-угровед комитетын 55 ий теммыжлан пӧлеклалтыныт. Комитет 6 регионым уша.