«Идалыкысе муро-2025» фестивальыште гран-прим налшын лӱмжӧ пале. Поро йӱла почеш, Марий Эл Радио кажне ийын шуко мурызын паша лектышыжым аклен, фестивальым эртара. Сеҥымашын 30-шо идалыкше лӱмеш тӱвыра полат зал тич калыкым чумырен. Тиде кечын эфирыште йоҥгалтше муро-влакым колаш да мурызо-влакым ужаш пиал шыргыжалын. Тений «Идалыкысе муро-2025» фестивальыш чылаже 30 муро логалын. Палемден кодыман, ӱмаште Марий Эл Радион базыже 300 утла у мурылан пойдаралтын.« Идалыкысе муро-2025» фестивальын гран-приж дене М. Шкетан лӱмеш Марий Кугыжаныш драме театрын артистше, мурызо Иван Соловьев палемдалтын.