Шошо толмо дене корнылаште мототранспорт дене кудалыштше-влак койынак шукемыт. Поснак тыгай транспортым виктарыше-влак кокла гыч ийготыш шудымо-влакым палемдыман, чӱчкыдынак нуно мотошлем деч посна кудалыштыт, кунам гын праваштат уке. Шернур да Кужэҥер кундемлаште могайрак сӱрет? Тидын нерген Россий МВД-ын Кугыжаныш автоинспекцийжын «Шернур» пӧлкажын корно лӱдыкшыдымылык пропаганде шотышто инспекторжо Елена Богданова дене шомакнам вашталтена.