Марий Элыште тунемше-влакым икымше классыш погымо шотышто кампаний умбакыже шуйна. Ушештарем, тудо 1 апрельыште тӱҥалын да кок этап дене эрта. Икымше - 30 июнь марте. Тиде пагытыште икымше классыш школ деке пеҥгыдемдыме кумдыкышто илыше-влакым, да льгот дене пайдаланыше-влакым налыт. Кокымшо этап- 6 июль гыч 5 сентябрь марте лиеш. Тиде жапыште школлаште яра вер кодмеке, прописке деч посна налыт. Яра вер кодмо нерген уверым школ-влак шке сайтыштышт 6 июль марте вераҥдышаш улыт. Приёмный кампаний Шернур посёлкысо 1-ше номеран школыштат кая. Тыште план почеш – у тунемме ийыште кок классым чумыраш палемдыме.