Марий Элыште «Вахта памяти» акцийлан тӱҥалтышым пуымо. Ик эн ончыч 1-ше номеран пост воктеке Йошкар-Оласе 4-ше номеран гимназийын тунемшыштлан шогаш чап ойыралтын. Тений Шарнымаш вахте муро да строй дене ошкылмо смотр-конкурс дене почылтын. Шке моштымашыштым оласе школ-влакын тунемшышт ончыктеныт. Чылаже 28 коробко чумырген. Кажне кадет, юнармеец шке формыжо, стройышто ошкылмо мастарлыкше да мурыж дене ойыртемалтын.