Иван Степанович Ключников-Палантайын илыме верыштыже - вашлиймаш. М.Шкетан лӱмеш Марий кугыжаныш драме театрын артистше, режиссер, композитор «Палантай» премьере деч ончыч журналист-влак дене И. Палантай лӱмеш тоштер-пӧртыштӧ вашлийын кутыреныт. Тыгай сынан вашлиймаш икымше гана эртен. Ойртемалтше конференцийыште журналист-влак спектакль-концерт дене кылдалтше йодышым пуэн кертыныт.