Тиде кечылаште участник-влак 37 компетенцийыште шке вийыштым тергеныт. Нунын кокла гыч иктыже – бисерым пидмаш. Чемпионатын тиде виктышыже тӱткышым, чоткыдылыкым йодеш. Тиде компетенцийыште шке мастарлыкыштым ончыктышо-влак ончыкылык профессийыштым тидын денак кылдаш шонат. Заданий почеш, конкурсант-влак неле пашам шуктышаш улыт. Нуно монастырский технике дене галстукым пидыныт.