Йошкар-Оласе медицине колледжыште поро йӱлашке савырныше пашам шуктат. Медик-студент-влак Кугу Ачамланде сарын участникше, ветеранже-влак нерген материалым погат. Вара нуным медицине колледжыште лекше «Бессмертный полк» лӱман брошюрышто вераҥдат. Тушто сар жапысе фотографий ден серышым, тӱрлӧ документ-влакым ужаш лиеш. Кугыжаныш архивысе материалым, электрон ресурс-влакым кучылтыт. Тыгак Кугу Ачамланде сарын участникше-влакын родо-тукымышт денат вашлийыт. Нунын шарнымашыштым возен кодат. Кажныже шкенжын Талешкыже нерген каласкала.