Йошкар-Оласе «Башня» тӱвыра-ончер-рӱдерыште у проект пашам ышта. Тудо кеҥеж тургымым почын да лӱмгечылан пӧлеклалтын. У тургымыш ушнаш кумылан-влакын 200 йодмашышт гыч 45 пашам ойырен налме. Географийжат кумда - Мурманск гыч Сербий марте. Тиде живопись, инсталляций, фото да почеламут-влак. Ты событий «Молодежь и дети» нацпроектын « Россия-страна возможностей» регионысо проектшын ужашыже лийын. Арт-тургымым почмаште тӱҥ уна российысе фотограф Георгий Колосов лийын.