Шошо толмо дене кагаз БУМ тӱҥалеш. Тошто книга, газет, журнал да картонлан у илышым пуат. Республикысе школлаште макулатурым погымо акций эрта. Ты паша шошым порылык арня кышкарыште шукталтеш. Макулатурым перерабатыватлыме паша чодырам аралаш, экологийым саемдаш полша. 1 тонн макулатур 17 пушеҥгым арала, 20 тӱжем литр вӱдым аныкла. Ты пайдале пашаш школлаште тунемше-влак класс дене шукыж годым таҥасыме семын ушнат. Йошкар-Оласе 24-ше номеран школ идалыклан кок гана икмыняр тонн дене макулатурым сдатла. Тушто таче 900 утла тунемше шинчымашым налеш. «Бумажный БУМ» акцийыште эн чолган участвоватлыше класс бал шот дене ойыртемалтеш да «Эн сай класс» семын статуэтке дене палемдалтеш.