Марий Эл Республикын Кугыжаныш архивше фондышто улшо документ-влакым электрон вариантышке гына огыл кусара. Тыгак нуным печатлен лукташат кугу тӱткышым ойыра. Ӱмаште, Сеҥымашлан 80 ий темме лӱмеш Марий Кугыжаныш архив «Совет ушем оборонын Кугыжаныш комитетше Марий АССР-ын документлаштыже» лӱман электрон савыктышым ямдылен. Архивист-влакын тиде ончерысе документлам кагаз вариантышке савыраш шонымаш лектын. Тений тиде пашам ыштен шуктеныт. «Марий книга издательстве» савыктыш пӧрт полшымо дене книгам печатлен лукмо.