Марий Элыште – ӧрыктарыше янлык. Кокшайск кугорно воктене кудыр пунан ир сӧсна-влакым шекланеныт. Тӱжвач ончымаште нуно шорыкым ушештарат. Специалист-влакын мутышт почеш, тиде сурт коклаште ашныме венгер мангАлица урлык сӧсна. Тиде уло тӱнялан кудыр пунан ик урлык гына. Мемнан кундемыш шуэн вашлиялтше вольык кузе логалын? Тудо лӱдыкшым конда мо? Вашмутым специалист-влак пуэныт.