Кугу Ачамланде сарыште вуйым пыштыше-влакым шарнен. Марий Элыште Сеҥымашлан пӧлеклалтше «Сад памяти» Россий кӱкшытан акций эрта. Тудо 2020 ийыште тӱҥалын да ынде шымше ий кумылан-влакым уша. Марий Элыште Чуркан ер деч тораште огыл, Кокшайск тракт воктенысе кумдыкышто пушеҥгым шынденыт. Акций кышкарыште Марий Элыште чылаже 15 тӱжем наре кумылан еҥ, 1 миллион утла пушеҥгым шынден.